Бірінші Almaty Air MeetUP

2024 жылғы 22 маусымда Aurora Space кеңістігінде алғашқы Almaty Air MeetUP өтті, оған 50-ден астам қонақ қатысты.

Іс-шараның қонақтары арасында қала тұрғындары мен қонақтары, қорды қолдауға және волонтерлік қызметке қатысуға ниет білдіргендер, сондай-ақ ауаның ластану мәселесін шешуге тартылған сарапшылар болды.

Панельдік пікірталас спикерлері:

• Әнел Молдахметова, Cityzen Space қорының директоры және AUA Group компаниясының тең құрылтайшысы, алғашқы азаматтық ауа сапасын бақылау желісін және AUA GROUP бастамасын құру тарихы туралы айтты. Ол команда тап болған қиындықтар мен жетістіктерімен бөлісіп, ауаның сапасын жақсартуда азаматтық қоғамның қатысуының және ашық диалог орнатудың маңыздылығын атап өтті.
• Евгений Мұхамеджанов, «Жасыл Алматы» жобалық кеңсесінің жетекшісі және ECO Network негізін қалаушы, қаланың ауа сапасын жақсарту бағытында қабылданып жатқан шаралар туралы айтты. Сондай-ақ ол қоғамдық көлікті пайдалану мәдениетін дамыту қажеттігін ерекше атап өтті.
• Ерлан Бузурбаев, «КазЮрКонсалтинг» компаниясының серіктесі, Алматыда жаңа «Атмосфералық ауаны қорғау туралы» заңның енгізілуімен қазақстандықтарды қандай өзгерістер күтіп тұрғанын түсіндірді. Оның сөзі экологиялық жағдайды жақсартуға бағытталған құқықтық аспектілер мен жаңашылдықтарға арналды.
• Азамат Абдуллаев, «Eco Almaty» ұйымының директоры, ұйымның қызметі, сондай-ақ Алматының экологиялық жағдайын жақсартуға бағытталған негізгі жобалар мен бастамалар туралы айтты.

Қонақтар мен спикерлер ойын түрінде экологиялық мәселелерге назар аудартуда өнердің қандай түрлері тиімді екенін талқылап, ауа ластануы туралы хабардарлықты арттыруға бағытталған арт-жобалар концепцияларын ұсынды.

Қатысушылар әлеуметтік және экономикалық тұрғыдан осал топтардың экологиялық бастамаларға қатысуына кедергі келтіретін факторларды талдап, бұл топтарды экологиялық жобаларға тарту бойынша іс-қимыл жоспарын әзірледі.

Интерактив бөлігі аясында оқушылардың ауа ластануы туралы хабардарлығын арттыруға бағытталған білім беру жобалары мен инновациялық оқыту тәсілдерінің концепциялары әзірленді.

Сонымен қатар қатысушылар Алматыда Low Emission Zones (LEZ) — төмен эмиссиялы аймақтарды енгізу жоспарын талқылады.

Көрермендерге ауа сапасын бақылау деректерін жеткізудің тиімді әдістері және қоғамның осы процеске қатысу жолдары қарастырылды.

Интерактивті сессия Алматыдағы ауа сапасын жақсартуға және азаматтардың экологиялық бастамаларға қатысуын кеңейтуге бағытталған көптеген құнды идеялар мен шешімдерді айқындауға мүмкіндік берді.