Сұрақтар мен жауаптар

Жоқ, біз — жеке қормыз. Дегенмен, қаланың экологиялық жағдайын жақсарту үшін жергілікті атқарушы органдармен және түрлі министрліктермен тығыз ынтымақтасамыз.

Алматыдағы ауа ластануының екі негізгі себебі бар: жылулық инверсия және ластаушылардың көп мөлшері — өнеркәсіп шығарындылары, көлік түтіндері және тұрмыстық қоқысты жағу. Тіпті ауаны лезде тазарту мүмкіндігі болса да, желсіз күндердің жиі қайталануы мен қаладағы көлік пен өндіріс көлемі ауаны тез арада қайта ластайды. Ұзақ мерзімді нәтиже жалпы шығарындыларды азайтқанда ғана мүмкін.

AAI ашық мемлекеттік деректерді, халықаралық дереккөздерді, сондай-ақ өз зерттеулері мен мониторингін пайдаланады. Қор визуализация мен талдаудың заманауи технологияларын қолданады.

Қорды жеке тұлғалар мен ұйымдардың демеушілік көмегі қамтамасыз етеді. Болашақта экология мен ауа ластануына қатысты гранттарға өтініш беруді қарастырамыз.

Біз жеке қайырымдылық қаражаттарын жинамаймыз. Егер қолдағыңыз келсе, ауа мен экологияға жауапкершілікпен қараңыз: жақындарыңызға біздің жобалар туралы айтыңыз, дашбордта ауа сапасын бақылаңыз, жеке көлік орнына қоғамдық көлікті пайдаланыңыз, қоқыс пен шиналарды жақпаңыз

Біз датчиктерді серіктестер мен демеушілердің қолдауымен орнатамыз, сондықтан қазір қосымша нүктелерге қажеттілік жоқ. Дегенмен, сіз датчикті өзіңіз сатып алып, орната аласыз; оның деректерін біздің дашбордта көрсете аламыз.

Біз мемлекеттік ұйым емеспіз, сондықтан қаладағы экологиялық нормалардың бұзылуына тікелей ықпал ете алмаймыз. Дегенмен, сіз бұзушыға (егер белгілі болса) немесе жағдайға (егер себеп белгісіз болса) шағым бере аласыз. Мұндай шағымды E-otinish сервисі арқылы немесе OpenAlmaty порталында рәсімдеуге болады. Егер ластау процесінің фото/видеосы болса, оларды қашан және қай жерде түсірілгенін көрсетіп, Instagram-дағы директке жіберіңіз — бұл жағдайды сторизде жариялаймыз.