Смогқа қарсы юмор: Алматыда «Мстительдер» көрсетілді

YouTube-та 14 күнде дерлік 1 миллион қаралым және әлеуметтік желілерде белсенді талқылау. Алматыда экология мен креативті индустриялардың тоғысында туған ерекше бейнежоба — қазақ тіліндегі (орысша субтитрлермен) мини-сериал «Мстительдер» таныстырылды.
Жобаны Almaty Air Initiative қорының бастамасымен BayGuys студиясы түсірген.

Барлық үш серияның жабық көрсетілімі мен экология тақырыбындағы пікірталас кеше Cinemax кинотеатрында өтті.
Сатира, ирония және жастар тілі — Алматының ең өткір мәселелерінің бірі — ауа ластануына назар аударудың жаңа құралына айналды.

Жобаны жасаушылар атап өткендей, «Мстительдер» — экология тақырыбын мемлекеттік тілде, сатира және ирония форматында, жастар аудиториясына арналған алғашқы әрекет.

Жұлдыз Саулебекова, Almaty Air Initiative қорының атқарушы директоры:

«Біз экология мен Алматы ауасы туралы әңгіменің қазақ тілінде, жастарға жақын тілде естілуін қаладық. Бұл тек тілдің мәселесі емес — бұл қатысу, қолжетімділік және аудиторияға құрмет мәселесі.
Осы сериал арқылы біз экология тақырыбы енді жалықтыратын немесе абстракт ұғым болмауы тиіс екенін көрсеттік. Біз бұл туралы қарапайым, шынайы және эмоциямен айтуымыз керек».

Көрсетілімнен кейін жоба тобы, актерлер, Almaty Air Initiative өкілдері және көрермендер қатысқан пікірталас өтті.
Көрермендер өз әсерлерімен бөлісіп, мүмкін шешімдерді талқылап, күрделі тақырыпты жеңіл форматта жеткізудің маңыздылығын атап өтті.

BayGuys командасы:

«Иә, біз юмормен айналысамыз, бірақ юмор — бұл да жауапкершілік.
Біз бұл тақырыпты әдейі таңдадық, өйткені Алматының ауасы — бәрімізді біріктіретін нәрсе.
Көрермен өзіне “мен қандай ауамен тыныстап жүрмін?” деген сұрақ қойса дейміз.
Өзгеріс тек мәселені түсініп, әрекет еткенде ғана болады.
Ирония мен пародия арқылы көбінесе ашық айтылмайтын дүниелерді жеткізуге болады».

«Мстительдер» жобасын мына сілтемелер арқылы көруге болады:
1-бөлім: https://www.youtube.com/watch?v=0Br4PJ3WQ74&t=6s
2-бөлім: https://www.youtube.com/watch?v=lCwjP4_ejIU
3-бөлім: https://www.youtube.com/watch?v=xs6yqwkfy_E